Тіс технигі

Тіс технигі медициналық қызметкер болса да, науқастарды емдеумен тікелей айналыспайды. Техниктер пациенттердің жетіспейтін тістерін ауыстыруға, тістемді түзетуге немесе жақ сүйегінің зақымдануынан көмектесетін түрлі құрылғыларды жасайды.

Осы маманның міндеттеріне мыналар:

• әртүрлі жасанды, оның ішінде металды керамикалық тіс-сауыттарын жасау;
• қарапайым штифті тістерді, әртүрлі конструкциялы көпір тәрізді протездерді, алып-салмалы протездерді, жақ-бет аппараттарын, ортодонтиялық конструкцияларды жасау;
• өз зертханасының стоматологиялық жабдықтары мен құрал-саймандарын жұмысқа дайындау;
• жабдықтың жұмысқа қабілеттілігі мен жарамдылығын бақылау;
• қажет болған жағдайда, шұғыл жағдайда дәрігерге дейінгі алғашқы көмек көрсетуі кіруі мүмкін.

Орта есеппен алғанда жас маманның жалақысы 50-60 мың теңгені құрайды. Сондай-ақ клиенттердің санына байланысты.

Осы біліктілік бойынша ойдағыдай білім алу үшін және одан әрі жемісті жұмыс істеу үшін студент химия, биология, физика, сызу негіздерін білуі қажет.

Тіс технигі жауапкершілік, табандылық, тыныштық, шыдамдылық, біріңғай және монотонды әрекеттерді орындауға бейімділік, сергектік, адамдарға деген сүйіспеншілік сияқты қасиеттерге ие болуы керек.

Жоғары деңгейдегі маман болу үшін 3 жыл қажет. Сондай-ақ техник те көптеген мамандар сияқты біліктілігін арттыруға назар аударғаны жөн, өз мамандығы бойынша баспасөз бен әдебиеттерді оқып, курстар мен семинарларға қатысқаны жөн. Маман өз жұмысында протездерді дайындаудың заманауи өзекті әдістерін, құралдары мен технологияларын білуге және оны тиісті түрде қолдануға міндетті.

Жас маман техникалық шеберлікті, талантты және құралдарды игеру дағдыларын талап ететін нәзік және өте күрделі жұмысты орындауда қиындықтарға тап болуы мүмкін. 

Осы мамандықтың артықшылығы аралас салаларды игеру, мамандандыру және дамыту мүмкіндігінің бар болуында.

Осы мамандықтың кемшілігі аллергиялық реакциялардың, тыныс алу жүйесі ауруының пайда болу қаупінің бар болуында. Сондай-ақ тіс технигіне көру қабілетінің төмендеуіне, қол буынының, арқа мен мойын бөлігінің ауруына әкеп соғатын кішігірім жұмыстарды да орындауға тура келеді.

Тіс технигі мамандығы сұранысқа ие.