Мейіргер ісі

Мейіргер ісі адамды емдеу, бейнетін жеңілдету мен денсаулығын нығайту мақсатында мақсатты күтімді қарастырады.

Мейіргер ісінің болмысы жеке адамдарға, отбасыларға немесе топтарға олардың физикалық, ақыл-ой және әлеуметтік әлеуетін анықтауға, қол жеткізуге және дамытуға көмектесу және олар өмір сүретін және жұмыс істейтін жағдайларда оны тиісті деңгейде қолдау болып табылады. Мейіргер ісі сонымен қатар сырқат кезінде жоспарлау мен көмек көрсетуді, оңалтуды қамтамасыз етуді (аурудан кейін қайта қалпына келу) қамтиды.

Негізгі міндеттері:

• алғашқы көмек көрсету;
• бұлшықетішілік және көктамыр ішілік инъекциялар;
• науқастарды күту;
• талдау алу;
• дәрілік препараттарды бөлу және оларды науқастардың қабылдауын бақылау;
• тамызғыларды орнату;
• медициналық құралдарды зарарсыздандыру;
• науқастарды операцияларға және басқа да процедураларға дайындау;
• операция бөлмесін дайындау;
• емдік-профилактикалық процедураларды жүргізу;
• құжаттаманы жүргізу.

«Мейіргер ісі» мамандығы бірнеше бағыт бойынша кәсіби мамандарды дайындайды:

– Массаж жасаушы;

– Күтім көрсетететін мейірбике;

– Мейіргер ісінің қолданбалы бакалавры.

«Мейіргер ісі» мамандығының түлектері колледжді бітіргеннен кейін оқуын ЖОО-да жалғастыра алады.